يعني ايه كوتشينج سيشن؟؟

يعني جلسات بعملها مع أي شخص حاسس بلخبطة أو عنده عوائق بتخليه مش عارف يعيش حياته بشكل كويس .. أو مش عارف يؤدي أدواره بشكل سليم .. أو مش عارف يحقق أهدافه

بنعمل فيها ايه؟؟

بنشتغل سوا على مشكلة مقابلاك في حياتك، وازاي تقدر تحلها وتتغلب عليها..

ولو محتاج تتعلم مهارات معينة علشان تتغلب على المشكلة دي، بساعدك تعرف ازاي توصل ليها ..

بنمشي سوا رحلة استكشاف عن نفسك الحقيقية اللي جواك، وممكن تكون مستخبية لأسباب كتير..

أو ممكن تكون موجودة وظاهرة، بس انت مش عارف تتواصل معاها..

ازاي تعبر عن نفسك ومشاعرك بشكل صحي .. وازاي تخلي اللي حواليك يفهموك أحسن..

ازاي تدير الضغوطات الحالية وتتعامل معاها..

ازاي تتقبل ذاتك وتقدرها وتعتني بيها .. لأنها تستحق

امتى أعرف إني محتاج سيشن؟؟

لما تلاقي عندك مشاكل زي التسويف..

الملل الدائم..

السعي للمثالية..

الإحباط..

الكسل..

تغيرات في المود بتاعك كتير أو ما يسمى بال Mood Swings

جلد الذات..

الشعور المستمر بالذنب..

عدم الثقة بالنفس..

تدني تقدير الذات..

الover thinking..

الغضب والعصبية..

عدم القدرة على التواصل الاجتماعي مع الناس بشكل فعال..

 ..عندك هدف نفسك توصل ليه ومش عارف

وغيرها..

** لما تاقبلك مشكلة أو أكتر من دول وتلاقيها مطوّلة معاك، ومش عارف تتغلب عليها ازاي .. اعرف إنك محتاج تروح لمتخصص يساعدك..

كام سيشن تكفيني؟؟

الحقيقة السؤال ده ملوش إجابة ثابتة..

أحيانا مشكلة بسيطة تتحل في سيشن واحدة..

وأحيانا بنحتاج متابعة كذا سيشن..

بتعتمد على استجابة الشخص، وخلفيته، وبيئة التنشئة، وعوامل تانية..

بس الأكيد، إن كل سيشن واحدة بتعمل فرق أكيد في وعيك بذاتك وبتشكل خطوة على طريق تحقيق هدفك والوصول لمرادك..

في الحقيقة هي رحلة شيقة وممتعة جدا..

لو فعلا عندك الرغبة في التغيير، وعندك الاستعداد للشغل والاستجابة .. أضمنلك إنك حتحقق نتايج كبيرة جدا في رحلة الوصول لسلامك النفسي..

اللي بعتبرها أهم رحلة يقوم بيها الإنسان في حياته..

وأهم وأكبر هدية ممكن تقدمها لنفسك..

---

• الوسيلة: تواصل مباشر صوت وصورة عن طريق برنامج زووم zoom (الرجاء تحميله مجانا)

• المدة: الاستشارة 55 دقيقة (شاملة واجبات أسبوعية + وضع خطة عمل للتطبيق)

Comments

comments