يوميات حامل | باباي ومشاعر الست الحامل
انهاردة عاوزة أتكلم عن المشاعر عند الست الحامل…
ولما بقول مشاعر هنا مش حتكلم عن هى بتحس بايه .. أنا حتكلم عن هى بتحس ازاى !!!
المعلومة المنتشرة أوى ومعروفة عند الرجالة قبل الستات، هى إن الست لما بتحمل الهرمونات فى جسمها بتتلخبط. ودى طبعا معلومة صحيحة لكن عامة جدا لدرجة السطحية.
المعروف مثلا ان واحد من الهرمونات اللى بيتم انتاجها داخل الجسم هرمون (السيروتونين) أو هرمون السعادة لأنه الهرمون المسئول عن تعديل الحالة المزاجية للإنسان.
الست الحامل بقى بيحصل عندها خلل فى انتاج هرمون (السيروتونين)، وبالتالى بتمر بكتير من نوبات القلق والاكتئاب.
وكمان فيه هرمون (الكورتيزول) واللى بيزيد انتاجه فى جسم الست أثناء فترة الحمل لأنه مهم جدا في تكوين رئة الجنين، لكن فى نفس الوقت زيادته بتسبب نوبات من التوتر والقلق بتحصل للست من غير حتى ما تعي هي بتمر بايه.
ده غير هرمون (الاستروجين) اللى نقصه بيسبب تقلب المزاج والضيق والاكتئاب وعدم الثبات الانفعالي.
حزن، ضيق، توتر، اكتئاب، شعور بالذنب، تأنيب للنفس، سرعة انفعال.
كل ده بيحصل جوه جسم الست أثناء فترة الحمل بصرف النظر عن شكل حملها عامل ازاي. يعنى ممكن ميبقاش الحمل متعب ولا فيه أي مشاكل جسمانية، لكن ده مش معناه إن الست دي كويسة ونفسيتها زي الفل.
فترة الحمل هى فترة احتياج عاطفي كبيييييييرة جدا عند الستات.
بتعيط بسهولة، وتضحك بسهولة، وتكتئب جدا من أقل شئ. أغلب الوقت متوترة من غير حتى ما تبقى فاهمة ليه أو بسبب ايه.
حاجة كده زي ال super power بس بالسلب.
زي (باباي) زمان لما كان بياكل علبة السبانخ .. هو فى العادي بيحب زيتونة وبيخاف عليها وعاوز يحميها، لكن لما بياكل السبانخ بيتحول لشخص تاني خالص مبالغ فى مواصفاته. حبه ليها بيزيد وخوفه عليها بيبقى أضعاف الأول.
نفس الوضع بظبط عن الستات الحوامل. العاطفة عندهم بتزيد أضعاف مضاعفة.
حتلاقيها بتحب أوي، وبتزعل أوي، وحساسة أوي، وبتستجيب للحنية والطبطبة أوي أوي.
يعنى كل شعور بيبقى مضروب * 10 تقريبا.
ومن الوسائل النفسية المساعدة للتغلب على الفترات دى حاجتين:
1. وعي الست بالتغيرات النفسية اللى بتمر بيها.
إن التغيرات دي طبيعية وبتحصل لكل الستات. وإن أي مشاعر هي بتمر بيها في فترة الحمل بتبقى مشاعر مبالغ فى قوتها جدا مش بحجمها الحقيقي. وإن كل ده حينتهي بانتهاء فترة الحمل.
الوعي ده حيساعد الست كتير إنها تبقى أهدى، وحيخليها أكثر قدرة على التعامل مع الضغوط النفسية والعاطفية اللي بتمر بيها فى الفترة دي.
وكمان إدراكها حيساعدها متتوقعش ولا تطلب من اللى حواليها أزيد من الطبيعي. لأنها حتبقى عارفة إن مشاعرها مبالغ فيها وبالتالي متطلباتها كمان حيكون مبالغ فيها.
وعيها الذاتي بكل النقط دي حيساعدها على تخطى فترة الحمل بشكل إيجابي.
2. وعي الزوج (أو الشخص الداعم فى مرحلة الحمل سواء أم أو أخت..إلخ) بكل التفاصيل السابقة.
الوعي ده حيساعده على تفهم نوبات الضيق والاكتئاب اللى بتمر بيها الست الحامل. وإن المسألة مسألة وقت وبعدها حترجع الأمور لطبيعتها.
وحيفهم كمان ايه أهمية الدعم العاطفي للست طول مرحلة الحمل، وبالتالي كل ما يلبي احتياجاتها العاطفية كل ما هي تكون أهدى، والبيبي صحته أفضل، والجو العام للبيت يبقى أحسن.
ده غير طبعا الوسائل الصحية لمقاومة super power مشاعر الست الحامل:
1. الخروج لأماكن مفتوحة فيها خضرة.
الأماكن اللى فيها خضرة بيكون فيها هوا نقي غني بالأكسجين اللي بيساعد المخ على التوازن وبيحسن من النفسية.
2. محاولة الحصول على القدر الكافي من النوم.
حتى لو على حساب بعض المهام المنزلية. مش مشكلة‘ هي فترة وحتعدي. والنوم الكافي بيساعد على توازن الجسم والعقل وبالتالي الست تكون أكثر هدوءا باقي اليوم وأكثر قدرة على التعامل مع أى super power تفاجئها في أي وقت.
3. الاهتمام بالتغذية السليمة، وخصوصا الخضروات والفواكه.
كل ما الجسم حصل على الفيتامينات والمعادن اللازمة، واللي بيزيد احتياج الست الحامل ليها، كل ما يبقى الجسم قادر على أداء باقي مهامه وكمان المخ يكون قادر على التغلب على الانفعالات والتقلبات المزاجية والتعامل معاها بشكل أحسن.
4. تجنب المنبهات، والمواد الحافظة، والسكريات بنسب عالية.
وده حيساعد على تقليل التوتر والأرق اللى بيزودو التقلبات المزاجية والانفاعالات الحادة بشكل كبير.
5. تناول المشروبات العشبية المهدئة زى الكاكاو، والبابونج…وغيرهم.
انهاردة عاوزة أتكلم عن المشاعر عند الست الحامل…
ولما بقول مشاعر هنا مش حتكلم عن هى بتحس بايه .. أنا حتكلم عن هى بتحس ازاى !!!
المعلومة المنتشرة أوى ومعروفة عند الرجالة قبل الستات، هى إن الست لما بتحمل الهرمونات فى جسمها بتتلخبط. ودى طبعا معلومة صحيحة لكن عامة جدا لدرجة السطحية.
المعروف مثلا ان واحد من الهرمونات اللى بيتم انتاجها داخل الجسم هرمون (السيروتونين) أو هرمون السعادة لأنه الهرمون المسئول عن تعديل الحالة المزاجية للإنسان.
الست الحامل بقى بيحصل عندها خلل فى انتاج هرمون (السيروتونين)، وبالتالى بتمر بكتير من نوبات القلق والاكتئاب.
وكمان فيه هرمون (الكورتيزول) واللى بيزيد انتاجه فى جسم الست أثناء فترة الحمل لأنه مهم جدا في تكوين رئة الجنين، لكن فى نفس الوقت زيادته بتسبب نوبات من التوتر والقلق بتحصل للست من غير حتى ما تعي هي بتمر بايه.
ده غير هرمون (الاستروجين) اللى نقصه بيسبب تقلب المزاج والضيق والاكتئاب وعدم الثبات الانفعالي.
حزن، ضيق، توتر، اكتئاب، شعور بالذنب، تأنيب للنفس، سرعة انفعال.
كل ده بيحصل جوه جسم الست أثناء فترة الحمل بصرف النظر عن شكل حملها عامل ازاي. يعنى ممكن ميبقاش الحمل متعب ولا فيه أي مشاكل جسمانية، لكن ده مش معناه إن الست دي كويسة ونفسيتها زي الفل.
فترة الحمل هى فترة احتياج عاطفي كبيييييييرة جدا عند الستات.
بتعيط بسهولة، وتضحك بسهولة، وتكتئب جدا من أقل شئ. أغلب الوقت متوترة من غير حتى ما تبقى فاهمة ليه أو بسبب ايه.
حاجة كده زي ال super power بس بالسلب.
زي (باباي) زمان لما كان بياكل علبة السبانخ .. هو فى العادي بيحب زيتونة وبيخاف عليها وعاوز يحميها، لكن لما بياكل السبانخ بيتحول لشخص تاني خالص مبالغ فى مواصفاته. حبه ليها بيزيد وخوفه عليها بيبقى أضعاف الأول.
نفس الوضع بظبط عن الستات الحوامل. العاطفة عندهم بتزيد أضعاف مضاعفة.
حتلاقيها بتحب أوي، وبتزعل أوي، وحساسة أوي، وبتستجيب للحنية والطبطبة أوي أوي.
يعنى كل شعور بيبقى مضروب * 10 تقريبا.
ومن الوسائل النفسية المساعدة للتغلب على الفترات دى حاجتين:
1. وعي الست بالتغيرات النفسية اللى بتمر بيها.
إن التغيرات دي طبيعية وبتحصل لكل الستات. وإن أي مشاعر هي بتمر بيها في فترة الحمل بتبقى مشاعر مبالغ فى قوتها جدا مش بحجمها الحقيقي. وإن كل ده حينتهي بانتهاء فترة الحمل.
الوعي ده حيساعد الست كتير إنها تبقى أهدى، وحيخليها أكثر قدرة على التعامل مع الضغوط النفسية والعاطفية اللي بتمر بيها فى الفترة دي.
وكمان إدراكها حيساعدها متتوقعش ولا تطلب من اللى حواليها أزيد من الطبيعي. لأنها حتبقى عارفة إن مشاعرها مبالغ فيها وبالتالي متطلباتها كمان حيكون مبالغ فيها.
وعيها الذاتي بكل النقط دي حيساعدها على تخطى فترة الحمل بشكل إيجابي.
2. وعي الزوج (أو الشخص الداعم فى مرحلة الحمل سواء أم أو أخت..إلخ) بكل التفاصيل السابقة.
الوعي ده حيساعده على تفهم نوبات الضيق والاكتئاب اللى بتمر بيها الست الحامل. وإن المسألة مسألة وقت وبعدها حترجع الأمور لطبيعتها.
وحيفهم كمان ايه أهمية الدعم العاطفي للست طول مرحلة الحمل، وبالتالي كل ما يلبي احتياجاتها العاطفية كل ما هي تكون أهدى، والبيبي صحته أفضل، والجو العام للبيت يبقى أحسن.
ده غير طبعا الوسائل الصحية لمقاومة super power مشاعر الست الحامل:
1. الخروج لأماكن مفتوحة فيها خضرة.
الأماكن اللى فيها خضرة بيكون فيها هوا نقي غني بالأكسجين اللي بيساعد المخ على التوازن وبيحسن من النفسية.
2. محاولة الحصول على القدر الكافي من النوم.
حتى لو على حساب بعض المهام المنزلية. مش مشكلة‘ هي فترة وحتعدي. والنوم الكافي بيساعد على توازن الجسم والعقل وبالتالي الست تكون أكثر هدوءا باقي اليوم وأكثر قدرة على التعامل مع أى super power تفاجئها في أي وقت.
3. الاهتمام بالتغذية السليمة، وخصوصا الخضروات والفواكه.
كل ما الجسم حصل على الفيتامينات والمعادن اللازمة، واللي بيزيد احتياج الست الحامل ليها، كل ما يبقى الجسم قادر على أداء باقي مهامه وكمان المخ يكون قادر على التغلب على الانفعالات والتقلبات المزاجية والتعامل معاها بشكل أحسن.
4. تجنب المنبهات، والمواد الحافظة، والسكريات بنسب عالية.
وده حيساعد على تقليل التوتر والأرق اللى بيزودو التقلبات المزاجية والانفاعالات الحادة بشكل كبير.
5. تناول المشروبات العشبية المهدئة زى الكاكاو، والبابونج…وغيرهم.
علشان تساعدي نفسك على الهدوء والاسترخاء والتقليل من حدة الانفعالات.
وفي النهاية متستنيش حد ياخد باله منك قبل ما تتعودي تاخدي انتي بالك من نفسك وتحافظي عليها. لو معرفتيش تحافظي انتي على نفسك وتراعيها، يبقى متطلبيش من حد إنه يبذل مجهود علشان يحافظ عليكي ويراعيكي.
علشان تساعدي نفسك على الهدوء والاسترخاء والتقليل من حدة الانفعالات.
وفي النهاية متستنيش حد ياخد باله منك قبل ما تتعودي تاخدي انتي بالك من نفسك وتحافظي عليها. لو معرفتيش تحافظي انتي على نفسك وتراعيها، يبقى متطلبيش من حد إنه يبذل مجهود علشان يحافظ عليكي ويراعيكي.
يوميات حامل | باباي ومشاعر الست الحامل